wånnst net då bist,

wü i di,

wånnst då bist,

brauch i di,

wia an gschmeidign fetzn, dea mi poliat,

damit aus mia wås schenas wiad.

gehst fuat,

vagiss i di,

kimmst zruck,

gfrei i mi,

oda a net,

trotzdem lånd ma månchmoi im bett

und dånn woas a nett

oda a zvü vom zwenig,

zum zåmm sei, zum beinånd bleibn,

des was kana, wås ana vom åndan woit,

is ‘s nua zum zeit vertreibn,

oda weama nebeneinånda oit?

des spüt a ka rolle, is a net wichtig,

gibt’s im foischn überhaupt a richtig?

wei dånn bist eh wieda weg,

stad wiad’s heaz und stü wiad’s im bett

und i vagiss mi

und vamiss di.